FROTT ĦELU - Leħen il-Parroċċa ta’ Ħal Lija
Il-Kelma tal-Kappillan
Nixtieq nibda b’ mistoqsija:
“ Il-poplu tagħna għażżien? ”
Miniex se nwieġeb għal din il-mistoqsija, minflok se nagħti eżempji għaliex qed nagħmel din il-mistoqsija.
Kuljum fl-Uffiċċju Parrokkjali jidħlu diversi telefonati …. It-telefon iċempel spiss, u ħafna mill-mistoqsijiet li n-nies jagħmlu huma dawn:
-
“ Fi x’ħin hemm quddies? ”
-
“ Meta jkun miftuħ l-Uffiċċju Parrokkjali? ”
-
“ Tista’ tagħtini n-numru tat-telefon tal-M.U.S.E.U.M.? ”
-
“ Kull meta ssir il-magħmudija? ”
-
“ Tal-Mirakli fi x’ħin tiftħu? ”
U tant u tant mistoqsijiet simili.
Għaliex qed ngħid dan kollu? Fejn irrid nasal? Għaliex kull familja f’ Ħal Lija tqassmilha Direttorju Parrokjali li fih mhux biss it-tweġibiet għal dawn il-mistoqsijiet kollha iżda ħafna aktar informazzjoni. Barra minn dan, id-direttorju jinsab ukoll fuq il-web site tal-parroċċa www.lijaparish.com
Li jċemplu nies minn parroċċi oħra u jistaqsu informazzjoni dwar il-Parroċċa tagħna nifimha, izda ma nifhimx għaliex ħafna nies, li joqgħodu Ħal Lija, jippreferu jċemplu milli jagħmu użu mid-direttorju!! Għaliex dan? Għax għażżenin!?
Nissuġġerixxi li nagħmlu aktar użu mill-faċilitajiet li toffrilna l-parroċċa: Id-direttorju, il-website, l-avvizi, in-Notice boards, il-Magażin ‘Flimkien’...
Bil-Malti ngħidu: "Għin ruħek biex Alla jgħinek."
Fr. David Gauci - Novembru 2008
Katekeżi Għall-Adulti - Inti Ġieli Ġejt?
Flimkien - Novembru 2008
Kemm -il darba rajt xi poster f’xi ħanut? Jew smajt avviż fil-knisja jistiednek tiġi għal laqgħa ta’ Katekeżi għall-adulti?
Forsi f’qalbek għidt: Din xi tkun? Xi priedka oħra? Jien immur quddiesa l-Ħadd u biżżejjed!! Il-katekiżmu tgħallimtu meta għamilt il-Preċett u l-Griżma.
Dawn il-laqgħat ta’ katekeżi jiġu organizzati mill-Kummissjoni Familja al-Parroċċa u ilhom isiru mill-2001. Il-laqgħat huma differenti mill-omelija tal-quddiesa tal-Ħadd. Kull darba issir taħdita minn espert dwar is-suġġett magħżul. Wara, jkun hemm ħin għal kummenti, mistoqsijiet u diskussjoni. Is-suġġetti magħżula huma diversi u filwaqt li nisimgħu spjega tat-tagħlim ta’ Kristu, naraw ukoll kif nistgħu ngħixu l-ħajja tagħna ta’ kuljum fi spirtu nisrani. Min jattendi jista jissuġġerixxi suġġetti li jixtieq jisma’ dwarhom fil-laqgħat. Dawn il-laqgħat isiru:
... Kull tielet Tlieta tax-Xahar
fis 7.15 p.m.
fis-Sala Villa Lija.
Mela darb’oħra li tara l-poster jew tisma’ l-avviż, tibqax għaddej!!
Ġesu` qed isejjaħlek – Kif tista’ ma tiġix??
-----------------------------------------------------------------------------------------------------------------------------------------------------------------------------------------------------------------
Għoti tal-Ministeru ta' l-Akkolitat ...
- Il-Ministeru ta’ l-Akkolitat huwa pass ieħor fil-formazzjoni tas-Seminaristi għas-saċerdozju.
- Il-kelma ‘Akkolitu’ fil-Grieg tfisser xi ħadd li jimxi wara xi ħadd mill-qrib. Hu l-Mulej qed isejjah lil dawn is-seminaristi biex dejjem jersqu aktar lejH u issa b’mod sepċjali permezz ta’ l-Ewkaristija.
- Fil-fatt l-akkolitu huwa msejjaħ biex jaqdi lill-qassis u lid-djaknu fuq l-artal u meta jkun hemm il-ħtiega jqarben kif ukoll jesponi u jirriponi l-Ewkaristija fit-tabernaklu.
- Nhar il-Ġimgha 21 ta’ Novembru ġewwa il-Knisja Parrokkjali ta’ San Sebastjan f' Ħal Qormi fis-6 ta’ filgħaxija ħames seminaristi fosthom is-seminarista Marc Andrè Camilleri mill-Parroċċa tagħna ħa jiġu istitwiti akkoliti minn idejn l-E.T. Mons. Arcisqof Pawlu Cremona.
Kulħadd huwa mistieden!
James Azzopardi ...
Il-Parroċċa ta’ Ħal Lija toffri dawn is-servizzi …
Adorazzjoni Perpetwa fil-Knisja ta’ Santa Marija ...
Tkun għaddej minn hemm, tidħol tkellem ftit lil Ġesu`, u tħallih ikellmek?
Adorazzjoni fil-Parroċċa kull nhar ta’ Ħamis u fl-ewwel Ġimgħa tax-xahar ...
Meta l-aħħar li kont preżenti għalihom?
Direttorju Parrokkjali u Magazine ‘Flimkien’ f’kull familja ...
Taqrahom regolarment?
Notice Boards mal-Knisja u mal-Knejjes Filjali ...
Tieqaf taqra dak li hemm fihom?
Isiru Laqgħat ta’ Katekeżi mal-kbar kull xahar fil-Knisja l-Qadima tas-Salvatur
...
Għadek tħoss il-bżonn li titgħallem ħalli tikber fil-fidi tiegħek?
www.lijaparish.com
huwa l-indirizz tal-website ...
Jekk għandek is-servizz ta’ l-internet dħalt f’din il-website?
Nemmen li tħobb tassew lis-Salvatur u lill-Parroċċa tiegħu ... u tiegħek, minn kemm tagħmel użu tajjeb minn dawn is-servizzi wkoll.
Website © 2004-2008 - Parroċċa Ħal Lija